Tipos de violencia de xénero

Seguindo a normativa mundial e europea, que o noso país, seguindo a instrución da ONU, introduciu paulatinamente varios cambios normativos no Código Penal, culminando coa aprobación no ano 2004 da Lei Orgánica 1/2004, do 28 de decembro, de Medidas de Protección Integral contra a Violencia de Xénero, a cal establece que se considera violencia de xénero:

a) Violencia física, que inclúe calquera acto de forza contra o corpo da muller, con resultado ou risco de producir lesión física ou dano, exercida por quen sexa ou teña sido o seu cónxuxe ou estea ou teña estado ligado a ela por análoga relación de afectividade, aínda sen convivencia.

b) Violencia psicolóxica, que inclúe toda conduta, verbal ou non verbal, que produza na muller desvalorización ou sufrimento, a través de ameazas, humillacións ou vexacións, esixencia de obediencia ou submisión, coerción, insultos, illamento, culpabilización ou limitacións do seu ámbito de liberdade, exercida por quen estea ou teña estado ligado a ela por análoga relación de afectividade, aínda sen convivencia.

c) Violencia económica, que inclúe a privación intencionada, e non xustificada legalmente, de recursos para o benestar físico ou psicolóxico da muller e das súas fillas e fillos ou a discriminación na disposición dos recursos compartidos no ámbito da parella.

d) Violencia sexual e abusos sexuais, que inclúen calquera acto de natureza sexual forzada, polo (presunto) agresor ou non consentida pola muller, abranguendo a imposición, mediante a forza ou con intimidación, de relacións sexuais non consentidas, e o abuso sexual, con independencia de que o (presunto) agresor garde ou non relación conxugal, de parella, afectiva ou de parentesco coa vítima.